Kufijtë në relacion me identitetin dhe kulturën kombëtare shqiptare

Résumé

Ky punim trajton raportin midis kufijve politikë dhe identitetit e kulturës kombëtare shqiptare, duke theksuar se ndarja territoriale e shqiptarëve është rezultat i vendosjes së padrejtë historike të kufijve nga faktorë të jashtëm. Megjithëse këta kufij synonin të pengonin zhvillimin dhe komunikimin natyror të kombit, ata çuditërisht kanë kontribuar në forcimin e vetëdijes dhe kohezionit kombëtar. Në punim argumentohet se kufijtë kanë qenë më tepër formalë sesa realë në ndërgjegjen e shqiptarëve. Punimi nënvizon nevojën për bashkëpunim më të madh kulturor, arsimor dhe institucional ndërmjet shqiptarëve në rajon, duke synuar relativizimin e kufijve dhe zhvillimin e një identiteti të përbashkët. Në përfundim, theksohet se e ardhmja e kombit shqiptar varet nga aftësia për konvergjencë, unitet dhe vendosje të interesave kombëtare mbi ato të ngushta.